3 kumpanya interesado sa prangkisa ng Aces sa PBA

ni Gerard Arce - @Sports | February 19, 2022

Malaki ang posibilidad na maibenta ang prangkisa ng Alaska Aces team matapos magpahayag ng kagustuhan ang tatlong kumpanya na bilhin ito kasunod ng desisyong magpaalam na sa PBA sa katapusan ng 2021 Governor’s Cup.

Tatlong kumpanya umano ang nagkainteres na bilhin ang iiwang puwesto ng 14-time PBA champions at ayon sa ilang reports ay matunog na kumpanya ang Family's Brand Sardines, habang bulong-bulungan ang matagal ng may interes sa liga na Bounty Agro Ventures Inc. (BAVI) na pag-aari ng Chooks-to-Go.

Ayon sa reports mula sa online website na pursigido ang kumpanya ng Universal Canning Incorporated na makuha ang puwesto, kung saan masasaksihan ang new team na Master Sardines Fishing Champs bilang guest team sa PBA 3X3 na bubuuin nina Levi Hernandez, Ramon Mabayo, Michole Sorela, Cyrus Tabi at reserves na sina John Mahari at Jefferson Comia.

Si PBA commissioner Willie Marcial ang nagsabi na may nagtanong sa halaga at kagustuhang makapasok sa liga, ngunit hindi nabanggit ang mga kumpanya.

Unang inihayag ni team owner Wilfred Uytengsu Jr. na handa silang makipagdayalogo sa may interes na bilhin ang PBA franchise lalo't may panahon pa bago pa man ibalik ang prangkisa sa PBA hanggang Hunyo na tatapusin pa ang komperensiya ngayon at subukang maipanalo ang mga nalalabing laro at tangkaing makuha ang ika-15th championships sa loob ng 35 seasons mula noong 1986.“First of all, there are no immediate buyers, but it remains a possibility that we can sell our franchise to another company if they want to come in at the end of the season,” pahayag ni Uytengsu noong Miyerkules ng umaga sa virtual press conference. “If there is no buyer at that time, the franchise will revert back to the PBA and pursuant to the bylaws of the PBA, the players will go into the dispersal draft,” dagdag ng 60-anyos na ipinanganak sa Cebu City.

Ang mga players ng Aces ay sina Jeron Teng, Rob Herndon, Abu Tratter, Mike DiGregorio, Alec Stockton, Maverick Ahanmisi, Ben Adamos, Jaycee Marcelino, Mike Tolomia, Rey Publico, Yousef Taha, Kevin Racal, Bryan Faundo at dating Gilas member Allyn Bulanadi.