27-anyos na lalaki, patay sa tuklaw ng cobra
- BULGAR
- Jan 25, 2024
- 1 min read
ni Angela Fernando - Trainee @News | January 25, 2024
Patay ang isang 27-anyos na lalaki matapos matuklaw ng cobra sa Panique, Tarlac.
Pagbabahagi ng ama ng kinilalang si JR Bungay, umihi ito sa labas ng bahay at doon natuklaw ng cobra ang paa nito.
Naisugod sa ospital si JR ngunit namatay din ito agad.
Tumawag sila ng snake rescuer matapos mailibing si JR at nahuli nila ang halos limang talampakang haba ng cobra kung saan ipinasok nila sa sako at doon pinatay.
Nilinaw naman ng Provincial Environment and Natural Resources Office (PENRO) na labag ang pagpatay sa kahit anong hayop na parte ng wildlife maliban kung nalagay nito sa alanganing sitwasyon ang mga nasa paligid nito.
Comments