24/7 complaint center para sa SIM registration, inilunsad ng DICT

ni Lolet Abania | December 27, 2022

Naglunsad ang Department of Information and Communications Technology (DICT) ngayong Martes ng isang 24/7 complaint center kaugnay sa SIM registration, mga isyu at iba pang concerns.

Sa isang statement, sinabi ng DICT na ang complaint center para sa SIM registration ay sasailalim sa Cybercrime Investigation and Coordinating Center (CICC), ang attached agency ng kagawaran.

Anumang mga concerns na may kinalaman sa SIM registration ay maaaring idirekta sa complaint center sa hotline 1326.

Ayon kay DICT spokesperson at Undersecretary Anna Mae Lamentillo, ang unang dalawang linggo ng implementasyon ng SIM registration ay isa munang test period, kung saan asahan na ang ilang mga glitches o technical issues habang isinasaayos pa nang husto ng public telecommunications entities (PTE) ang kani-kanilang proseso.

“The first 15 days starting December 27 is a test period. This means that registrations during this period are all valid, but we are already anticipating that there could be some difficulties because this process is new to both the subscribers and the PTEs. During this 15-day test period, the PTEs will be able to assess what they need to improve on to make the registration process more efficient and easier for subscribers,” pahayag ni Lamentillo.

Aniya, ang 24/7 complaint center ay magsisilbing support system para sa implementasyon ng SIM registration habang magiging platform ito sa kung saan ang mga SIM subscribers maaaring mag-report ng kanilang mga concerns o makapagbigay ng suhestyon kung paano pa mapabubuti ang proseso nito.

“DICT Secretary Ivan John Uy wants the SIM registration to be done as soon as possible within 180 days, and he wants to ensure that the process will be as seamless as possible. That is why we launched a 24/7 complaint center so that concerns can be reported immediately and acted upon promptly,” saad ni Lamentillo.

Sa isang radio interview kay DICT CICC Undersecretary Alexander Ramos, sinabi nitong ang ahensiya ay kasalukuyang may aniya, “30 people on board (the 24/7 hotline) and we are increasing.”

Ayon kay Ramos, batid din ng DICT na may mga mapanlinlang na mga indibidwal na sasamantalahin nito ang ipinapatupad na SIM registration.

Paalala naman ng opisyal sa publiko na hindi sila tatawagan ng telcos hinggil sa pagpapatupad ng SIM registration.

“The first contact should come from them,” sabi ni Ramos.

Para sa SIM registration ayon sa DICT, “users of DITO Telecommunity Corp. can visit https://dito.ph/registerDITO, Globe Telecom Inc. at https://new.globe.com.ph/simreg, and Smart at https://smart.com.ph/simreg.”

Ayon naman sa mga major telecommunications firms, “We are fully prepared for the implementation of the SIM Registration Act, but expect birthing pains in the initial stages.”