Online seller na scammer, lagot!

Matindi ang babala ni Pangulong Rodrigo Duterte sa mga online sellers na manloloko.

Ayon sa Pangulo, igagapos, bubusalan saka itatapon sa Ilog Pasig ang sinumang mapatutunayang nang-scam ng customer online.

Talagang hindi nawawala ang mga kapalmuks sa paligid, lahat na lang ng puwedeng gawan ng kalokohan ay papasukin.

Kaya ang nangyayari, taumbayan ang nag-a-adjust sa kanila. Tipong ‘pag tayo ang nabiktima, eh, parang tayo pa ang may kasalanan dahil hindi nag-ingat.

Huwag naman sanang ganu’n. Gumawa rin sana ng paraan ang mga kinauukulan para mapigilan ang mga ilegal na gawain partikular sa internet kung saan mas marami ang posibleng mabiktima.

Una nang sinabi ng DTI na may mga tauhan silang magbabantay laban sa mga seller na hindi sumusunod sa paglalagay ng presyo ng produkto, eh, baka naman puwedeng isabay n’yu na rin sa mga babantayan itong mga scammer.

Mula sa mga palpak na produkto, hindi makatarungang presyo hanggang sa mga hindi talaga legit na seller.

Siguro, hintayin din natin kung may masasampolan itong matinding babala ni Pangulong Duterte laban sa mga pasaway na online seller.