Davison ng Speed Hitters sinilaban ang Solar Spikers

by Gerard Arce @Sports News | October 25, 2026

Photo: Agad naka-block ng porma si Savi Davison ng PLDT Speed Hitters sa tirada ni Erika Mae Santos ng Capital1 Solar sa labang ito sa PVL. (pvlpix) 

Mga laro sa Martes

(Ninoy Aquino Stadium)

1 pm – Akari vs Farm Fresh

6 pm – Choco Mucho vs Galeries

Malinaw na koneksyon ang pinamunuan ni Savi Davison upang ibigay sa PLDT High Speed Hitters ang unang panalo sa 4th set na pagpapalubog sa Capital1 Solar Spikers na nagtapos sa 21-25, 25-21, 25-21, 25-21 sa pambungad na hatawan ng  preliminary rounds ng 2026 PVL All-Filipino Conference Siklab Series kahapon sa Playtime EcoOil Centre sa San Juan City.

Kasunod ng dikit na pagkatalo mula sa straight set kontra NXLed Chameleons at Akari Chargers, nabuhayan ang opensiba at net defense ng High Speed Hitters na bumutata ng 12 blocks, kabilang ang 4 mula sa Filipino-Canadian na si Davison kaakibat ang 23 atake.

“I think we’ve kind’a realize that everyone is getting better, every single day, and then this season is going to be a long and hard season considering the people that we to go against. I mean we’ve got to push ourselves in practices last week to wake up ourselves up, and I’m just glad that it came out,” pahayag ng 27-anyos na outside hitter. 

Sumuporta sa unang panalo ng PLDT sina Kim Kianna Dy sa 11 puntos, Alleiah Malaluan sa 9 pts, Dell Palomata sa 8 pts at Mika Reyes sa 5 pts.