Sharon, proud na proud na lumaki raw nang tama si KC dahil sa kanya

Ronalyn Seminiano / Showbiz Trends

Sa wakas!

Anne, ipinakita na sa socmed ang mukha ng anak

Trending si Anne Curtis dahil for the first time ay ipinakita na niya sa Instagram at Twitter ang baby nila ng mister na si Erwan Heussaff na si Dahlia Amelie.

Sey ni Anne sa kanyang social media accounts, “Yesterday, we celebrated her 1st month of life. We love you, our little Dahlia Amelie. Hoping this brings a smile to your face today.”

Bumuhos ang heart emoji comments sa piktyur ni Baby Dahlia na naka-side view at ilan sa mga nagkomento ay sina Marian Rivera, John Prats, Ruffa Gutierrez, Luis Manzano, Coco Martin, atbp..

‘Kaaliw naman ang komento ni Angel Locsin na “Can’t wait to lamukos you, Baby Dahlia.”

Tuloy, may ilang netizens na nag-reply sa comment ni Angel na excited na ring magka-baby sila ng fiancé na si Neil Arce.

Anila, “@therealangellocsin, Gawa na rin kayo, idol.”

“Lodi, hopefully, ikaw na rin soon. Can’t wait to see the little version of you or Neil.”

Well, sino ba naman kasi ang hindi nae-excite makita ang little version ni Darna (Angel)?

Anyway, sobrang cute talaga ni Dahlia! Pero ‘di na nakakapagtaka dahil napakaganda ng Mommy Anne niya.

♥♥♥

Sharon, proud na proud na lumaki raw nang tama si KC dahil sa kanya

Sunud-sunod ang posts ni Sharon Cuneta sa Instagram tungkol sa panganay niyang anak na si KC Concepcion. Pero this time, wala nang halong bad blood o ano pa man.

Proud mommy si Sharon kay KC dahil sa pagtulong nito sa mga nangangailangan ngayong nasa kalagitnaan tayo ng laban dahil sa COVID-19.

May screenshot ng isang website siyang ipinost na may piktyur ni KC at may mababasang “KC Concepcion’s suggestion to turn event venues into COVID-19 hospitals now a reality.”

Caption ni Sharon, “Princess #1, my soon-to-be birthday girl, achieved something to be able to help those affected by COVID-19.

“So proud of you. Love you.”

Reply naman ni KC, “Love you, Mama (heart emoji).”

Samantala, sa kabila ng magagandang komento ng mga netizens ay may mga bashers din na kung anu-ano ang hanash at may nagsabi pang ia-unfollow niya si Sharon.

Comment pa ng isang netizen, “Sana ganyan na lang din ang ginagawa ng asawa mo kesa mag-criticize sa government.”

We all know naman na si Kiko Pangilinan ang tinutukoy ng netizen.

Sey naman ni Sharon, “Hindi kasi mahilig sa press release ang asawa ko. Lahat naman kami. Malalaman n’yo rin. And sana, puwedeng magdasal na muna tayong lahat? Pagkatapos ng COVID-19, sige, bash lang. Pero sa ngayon, ‘di nakakatulong kahit isang iota ang mga tulad n’yo na wala namang alam sa ginagawa ng asawa ko para makatulong. Okay? Keep safe and God bless.”

Ipinost din ni Megastar ang screenshot ng IG post ni KC kung saan makikita ang kahun-kahong relief goods na may note pa na “WITH LOVE FROM: KC CONCEPCION.”

Mababasa sa post ni KC ang: “On a serious note (heart emoji) Filipinos have been coming together to help those on the frontline as consistently as we could. It’s so wonderful to see.

“Today, and yesterday, we sent 400 ready-to-eat chicken & pork adobo in jars for our nurses, doctors, security guards and medical staff on duty.

“Veterans Memorial Medical Center yesterday, Perpetual Help Medical Center, Las Piñas today.

“Thank you @thepantry_ph for the food and @ravbmagpantaymd for personally receiving the delivery. We salute you and are lifting you up with our thoughts and prayers!”

Sey ni Megastar, “I’m so proud of you for doing what you can do to reach out and help people in this time of need, my baby! Mama’s heart is so happy. I must’ve done something right (wink emoji). I love you!”