Hindi ‘yung ikaw ang talk nang talk... Tips para maging mabuting tagapakinig sa kaibigang may pinagd

Lahat tayo ay nanga­ngailangan ng tagapaki­nig sa lahat ng pagkaka­taon, lalo na kapag may pi­nagdaraanan tayo. Ma­daling maghanap ng ma­pagkukuwentuhan, pero mahirap maghanap ng taong makikinig sa lahat ng sasabihin natin at iin­tindi sa nararamdaman natin.

Gayunman, paano ba ma­ging mabuting tagapaki­nig? Narito ang ilang tips para sa inyo:

1. HUMANAP NG TIMING BAGO MAG­SA­LITA. Minsan, hindi natin napapansin na nasisira natin ‘yung “moment” ka­pag bigla tayong sumisingit habang nagsasalita ang ka­usap natin. Totoo na kahit hin­di natin intensiyon na ma­ging panira ng moment, eh, ganu’n ang nangyayari kaya mga besh, kapag nagsasalita ang kausap natin, humanap tayo ng tiyempo bago suma­got. Gaanuman natin kagus­tong magsalita o mag-com­fort, maghintay muna tayo ng tamang timing dahil ka­pag nawala sila sa momen­tum, finish na ang usapan.

2. ONE THING AT A TIME. For sure, hindi sa la­hat ng pagkakataon ay wala tayong ginagawa, pero kapag may kaibigan tayong kaila­ngan ng tagapakinig, let’s do our best na ibigay ang atensi­yon sa kanya para ma-ab­sorb ang lahat ng sinasabi niya. Gayundin, sa ganitong paraan, mararamdaman ni­yang interesado ka sa mga sinasabi niya.

3. MAGPOKUS SA PINAGDARAANAN NG KAUSAP. Kapag may ka­ibigan tayong may pinagda­ra­anan, hindi natin naiiwasan na magbanggit ng pinagda­anan natin noon o ‘yung mga “ako nga…” na linyahan. Mga besh, kung ang goal ninyo ay maging “good lis­tener”, isantabi natin ang mga ga­nitong bagay dahil una sa la­hat, sila ang may pi­nag­­dara­anan at hindi tayo. Okie?

4. 80/20 RULE. Ito ‘yung 80% listen at 20% speak. Kapag pakiramdam mong lumagpas ka na sa 20% ng pagsasalita, it’s time para maghinay-hinay para bigyan ng chance ang kabilang panig na magsalita. Tandaan na sa ganitong mga sitwasyon, hi­git na makatutulong ang pa­kikinig para malaman kung paano magre-respond sa ating kausap.

5. HUWAG AGAD MAGTANONG. Kapag nagpokus ka sa mga bagay na gusto mong itanong sa iyong kausap kaysa sa paki­kinig, mataas ang tsansa na hindi mo mapigilang magta­nong kahit hindi pa tapos magsalita ang kausap mo. Anuman ang tumatakbo sa ating isip, isantabi ito at una­hin nating makinig.

Hindi man natin napa­pan­­sin pero, totoo na napa­ka­laking tulong ng pa­giging mabuting listener da­hil ma­dalas, ito ang kailangan ng karamihan.

‘Yung tipong okay lang sa kanila na ma­pa­­kinggan para mailabas ang kanilang saloobin. Mga besh, minsan, ang pakikinig ay higit na ma­buti kaysa sa pagsa­salita. Copy?