Kahit pa sa kaibigan, kakilala o kapamilya, besh... IBA‘T IBANG BAGAY NA DAPAT TANDAAN BAGO MAGPAUTA

MAGKAIBA ang “hi­ram” sa bigay, lalo na sa usapang pampinan­siyal. Naranasan n’yo na ba ang mautangan tapos hindi kayo nabayaran? Naku, ang sakit sa ulo n’yan, ‘yung tipong imbes na ‘yung nangutang ang hindi makatu­log, pero ikaw ‘yung araw-araw na nag-iisip kung ano na ang nangyari sa pera na ipinautang mo, hays! Kaya para huwag na itong maulit pa, na­rito ang ilang mga bagay na dapat mong tandaan bago ka magpautang:

1. MAG-ALOK MUNA NG IBANG TULONG. Huwag kaagad basta mag­la­bas ng pera, obserbahan ang sitwasyon, pera ba talaga ang kailangan niya o baka pu­wedeng charity muna? Min­san, hindi pera ang palaging solusyon sa lahat ng prob­lema. May “other options”, ‘ika nga. Halim­bawa, may kumare ka na nang­hihiram ng pera para sa bonggang birthday party ng anak niya, kapag may time, puwede kang mag-volunteer na lang sa preparasyon nito, ‘yung tipong magpahiram ka na lang ng mga gamit o kapag may maganda kang gown, i-offer o ipahiram mo. Mas oks gawin ‘yun kaysa mag­pautang tapos wala kang ideya o hindi ka sigurado kung kailan niya ma­ibaba­lik.

2. IPAHIRAM LA­MANG ANG PERA NA SOBRA SA BUDGET MO. Siyempre, bago ka mag­­pautang, dapat safe muna ang budget mo sa pa­masahe, pambaon ng anak at asawa mo at iba pa hanggang sa sumuweldo ka. Kahit pa sabihing maibibigay naman niya “agad”, mahirap na dahil baka sa huli, ikaw ang ma-short sa gagawin mo.

3.HUWAG KA­LI­MUTANG GUMAWA NG KASULATAN. Ayon sa mga fi­nancial advisor, ga­anuman kalaki ang halaga na ipa­­u­utang mo, dapat mayroong kasula­tan sa pagitan ninyo. Ito ay para walang kalimutan dahil sa panahon ngayon, bawat sen­timo ay mahalaga kaya hin­di na uso ‘yung “paglilista ng utang sa tubig”. Sabihan ka man niyang OA, okay lang dahil kung ayaw niya, huwag siya umutang, ganern!

4. KILALANIN ANG TAONG PAHIHIRA­MIN NG PERA. Gaano mo ba kakilala ang taong pauuta­ngin mo? Sa tingin mo ba, may ka­kayahan siyang ma­baya­ran ang utang niya o baka may history siyang hindi ma­ru­nong magbayad? Hu­wag kang mag-alala, oks lang maging judgemental, kasa­ma ‘yan sa sistema ng bawat isa. Ang punto, dapat hindi tayo basta nagtitiwala pag­dating sa pera, sa kakilala, ka­ibigan, katrabaho o kapa­milya man ‘yan kahit P100 lang ang hihiramin niya, aba, wala tayong mapupulot na ganu’ng halaga sa kalsada.

5. HARAPIN AGAD ANG MGA PROBLEMA. Kapag oks ka na sa apat na nauna at handa ka nang maglabas ng pera, i-set mo ang iyong sarili. Linawin mo sa kanya kung kailan niya dapat ibalik ang kanyang na­hiram.

Kapag lumipas ang ilang linggo at buwan, huwag kang mahiyang ipaalala sa kanya. Huwag mong ha­ya­ang umabot ito ng taon. Siguro, wala ‘yun sa “kasula­tan”?

Ang pagpapautang ay para ring pangungutang, ma­laki ang responsibilidad mo rito, pero, hindi para sa iba kundi sa sarili mo, lalo na ka­pag may bagay kang ini­lala­an sa perang ipinahiram mo.

Kailangan maging ma­talino tayo sa aspetong ito, hindi natin sigurado kung na­katu­tulong tayo o baka hindi natin alam, nanto-tolerate na pala tayo sa mga taong “habit na ang mangutang”.