Hindi lahat natututunan sa school... TIPS PARA MAGING STREET-SMART ANG MGA BATA

HINDI sa lahat ng oras ay nakakasama natin ang ating mga anak, mara­ming pagkakataon na sarili lang nila ang ka­nilang maaasahan. Ma­rahil, karamihan sa atin ay pamilyar sa paalalang, “huwag kang makipag-usap sa taong hindi mo kilala.”

Walang masama sa pa­giging nice, pero hindi tayo dapat nagtitiwala kaagad da­hil hindi porke nginitian ka, mabuting tao na siya. Kaya bago pa mabiktima ang in­yong anak, narito ang mga paraan para maturuang ma­ging street-smart ang mga bata:

1. SHOW THEM HOW TO BE AWARE. Puwede natin silang isama sa palengke, grocery store, Simbahan at iba pang lugar. Habang bata pa ay sanayin natin sila sa lugar na mara­ming tao at ipaliwanag natin ang lugar na ito nang sa ga­yun ay matutunan nilang ma­­ging aware saanmang lugar sila mapunta.

2. PRACTICE THEIR MEMORIZATION SKILLS. Importanteng ma­­galing ang bata sa pagki­lala ng mga tao na kanilang naka­sasalamuha. Halim­bawa, itanong o ipa-describe natin sa kanila ang hitsura ng ka­nilang teacher, classmate, kaibigan, security guard sa school, driver ng school ser­vice at iba pa. Sa pagka­ka­taong ito, matututunan nilang kilalanin o tandaan ang mga taong nakakasama nila, araw-araw.

3. TALK TO THEM. Mahaba o maiksing usapan man kasama ang inyong anak ay mahalaga dahil ito ang chance natin para magbigay ng mga advice sa kanila, magkuwento ng mga expe­rience natin sa kalsada o mga modus na napanood natin sa TV, narinig sa radyo o nabasa sa diyaryo.

4. SHOW THEM HOW TO GET HELP. Ito ‘yung mga simpleng bagay o impormasyon na dapat nilang malaman, lalo na ka­pag may emergency tulad ng police hotline, phone num­ber ng bawat miyembro ng pamilya at iba pang impor­tanteng numero. Gayundin, dapat alam nila kung kanino magtatanong ng direksiyon kapag nasa lugar sila na hin­di pamilyar.

5. GO BEYOND STRANGER DANGER. Karamihan sa atin ay pa­milyar sa “stranger danger” o “don’t talk to stranger”, ibig sabihin, ‘wag basta kuma­usap ng taong hindi kilala. Maraming nagkalat na masa­samang-loob na nakaayos nang disente o ‘yung tipong hindi mo mapagkakamalang ga­gawa ng mali. Mahalagang malaman nila na hindi lahat ng tao sa paligid ay mapag­kakatiwalaan.

6. TEACH THEM TO ALWAYS ASK FOR PERMISSION. Dapat ma­tutunan ng mga bata na mag­paalam kapag may mga la­kad o pupuntahan sila kasa­ma ang kanilang mga kaibigan o saanman sila pumunta, lalo na kapag sa public places. Make sure lang na idaraan ito sa maayos na usapan para hindi nila ma-feel na hinihigpitan o para­noid tayo sa kanila.

7. TRUST YOUR KIDS. Ito ang pinakaim­por­tante dahil anuman ang mang­yari, kailangang may tiwala tayo sa kanila. Hindi mana­na­tiling bata ang inyong mga anak, habang tumatagal mag­kakaroon sila ng sariling ideya kung paano mabuhay. Magti­wala tayong magiging res­pon­­sable silang indibidwal para matutunan nilang mag­tiwala sa kanilang sariling ka­kaya­han.

Sa totoo lang, mabuti nang handa kaysa may pag­sisihan. Walang may alam kung kailan magkakaroon ng hindi magandang sitwasyon, kaya dapat palaging ready ang bawat isa, bata man o matanda. Copy?