Shout sa mga parent diyan na low budget... TIPS PARA MATUTONG MAG-BUDGET SINA BAGETS

NAPAKAHIRAP mag-budget lalo na kung hindi ka marunong gu­­mastos, mag-save at ku­mita ng pera kaya sa mga tropa nating parents di­yan, narito ang mga tip para maturuan natin ang ating mga chikiting sa tamang paggastos at pag­ma-manage ng pera lalo na ngayong pumapasok na sila sa eskuwela:

1. INTRODUCE THE CONCEPT OF MONEY. Ang pagpapa­unawa sa mga chikiting sa halaga ng pera ay ma­katutulong para malaman nilang hindi dapat basta-basta gumastos. Maa­aring hayaan silang huma­wak ng maliliit na halaga bilang pasimula.

2. GET A PIGGY BANK OR SAVING JAR. Ang pagbibigay sa kanila ng mga piggy bank ay makatutulong din, ngu­nit, sey ng experts, mas okay ang clear jar para makita ng mga bata ang progreso ng kanilang pag-iipon. Ang paglala­gay sa kanilang piggy bank o saving jar ng kahit 10% ng kanilang baon araw-araw ay maaaring maging habit na madala nila hanggang sa paglaki.

3. LET THEM EARN. Ang summer jobs ay na­katutulong sa mga young­ster na matutunan ang halaga ng pagnenegosyo at hardwork. Para ihanda ang mga chikiting sa ga­nitong yugto ng buhay, mainam kung tuturuan natin silang gumawa ng ilang gawaing-bahay ka­palit ng maliit na halaga, hindi ito allowance kundi komisyon na mailalagay nila sa kanilang piggy bank o clear jar. Maka­tutulong ito para mauna­waan nilang ang pera ay pinagpapaguran at kini­kita, hindi ‘yung dating lang nang dating. Kung wala tayong sapat na bud­get para sa masisipag na­ting chikiting, makatu­tulong din ang pagbibi­gay sa kanila ng rewards tuwing nakakukuha sila ng mataas na grado sa pa­aralan. Sa paraang ito, mas lalo nilang pagbubutihin ang kanilang pag-aaral.

4. SHOW THEM THAT THINGS COST MONEY. Sa panahon ngayon, napakahirap ku­mita ng pera at bawat kibot ay may kaakibat na kailangang gumastos. Kung isasama natin ang mga bagets sa pamimili natin sa mga mall at ha­hayaan silang malaman ang katumbas na halaga ng gusto nilang bilhin, ha­limbawa ay laruan at ga­gastusin nila ang laman ng kanilang piggy banks para rito, malalaman nila at magiging mulat sila na ang pera ay madaling gas­tusin, ngunit, mahirap ipu­­nin o kitain. Maganda rin kung sila mismo ang magbabayad sa tindahan o cashier dahil sey ng ex­perts, ang ganitong para­an ay mas magkakaroon ng impact sa bata.

5. SET AN EXAM­PLE. Ang mga chikiting ay natututo base sa mga halimbawang ipinakikita sa kanila ng mga nakata­tanda, lalo na ng kanilang mga ma­gulang. Habang ba­gets pa sila, maganda kung ipaaalam natin sa kanila na magkakaiba ang presyo ng mga bilihin at turuan natin sila nang ma­talinong pamimili. Maka­tu­tulong din kung tuturu­an silang magtabi ng pera para sa kanilang future.

6. TEACH THEM CONTENTMENT. Dahil open na open ang internet sa lahat, pati mga bagets, aware na ang mga kaba­taan sa paggamit nito, maging sa mga nakikita nilang online products. Hindi maikakaila na uso ang payabangan ng mga ba­gets na magkakaklase. Dahil dito, may posibili­dad na maengganyo si­lang gastusin ang ipon nila at bumili ng mga ba­gay na hindi nila kaila­ngan, ngunit, kung tutu­ruan natin silang maging kuntento sa mga bagay na mayroon sila at kung ituturo natin sa kanila ang konsepto ng needs vs. wants, matututo silang gumastos nang maayos.

7. STRESS THE IMPORTANCE OF GIVING. Sa sandaling natutunan ng bata ang pag-iipon ng pera, ma­ganda kung tuturuan na­tin silang matuto ng ka­halagahan sa pagbibigay at pagtulong sa kapwa na ga­ling sa sarili nilang pera. Sa ganitong paraan, mararamdaman nilang hindi lamang sarili nila ang dapat nilang pag-ipunan kundi pati na rin ang mga nangangailangan. Mag­bi­bigay ito sa kanila ng ins­pirasyon para pagbuti­hin at pagsikapan ang pag-iipon ng pera.

Oh, ayan, mga ‘tol, habang bata pa sila, sana­yin na natin silang mag-ipon para sa kanilang kina­bukasan. Okay?