Kaya sa mga medyo slow at mahiyain diyan, read n‘yo ‘to! IBA‘T IBANG PARAAN PARA MATUTONG MAKISAMA S

AMININ man natin o hindi, habang tumatanda tayo ay la­long tumataas ang social awk­wardness natin. Ito ay dahil unti-unti tayong nasasanay sa maliit na environment kung saan malalapit na tao lamang ang nakakasama natin. Pero, hindi porke hindi tayo komportable sa pakikisama sa iba, eh, hindi na natin ito gagawin. Mga besh, narito ang ilang pa­raan para maiwasan ang pagiging so­cially awkward:

1. PLAY HOST. For sure, kahit hindi ka mahiyain, eh, may mga pagkakataong tinatablan ka ng hiya. Kaya para maiwasan ang awkwardness, why not take the lead? Halimbawa, ang pag-i-introduce ng mga bago mong kakilala sa iba pa ninyong kasama. Sa ganitong paraan, maaaring mabawasan ang awkwardness ng mga kasama mo.

2. EMBRACE AN OPPORTU­NITY. Ang paglabas sa comfort zone ay nagiging worth it dahil sa pagsubok ng iba’t ibang bagay para magkaroon ng experience. Ba­gama’t, pagdaraanan mo ang ilang discom­fort, magandang paraan ito para ma-achieved ang personal growth at inner strength.

3. LISTEN INTENTLY. Kahit sino, gustong mapakinggan, kahit gaano kaliit na bagay man ang gusto nilang sabihin. Ang pa­kikinig sa mga kuwento ng bago mong kaki­lala ay makatutulong para magtuluy-tuloy ang pag-uusap ninyo. Sa ganitong paraan, hindi mo mapapansin na natanggal na ang awkwardness na nararamdaman mo.

4. BE HUMBLE. Bagama’t, magan­dang move ang pakikipagkuwentuhan para mabawasan ang pagiging awkward, mabu­ting iwasang magsimula sa topic na tungkol lamang sa iyo. Mabuting simulan ito sa pag­tatanong kung ano ang mga hilig gawin, pun­tahan ng kausap mo.

5. MAKE A FASHION STATEMENT. Minsan, ibinabase natin ang “fashion state­ment” sa ating mood. Ang kakaibang acces­sory, sapatos o damit ay maaaring pagsi­mulan ng usapan dahil madali itong napa­pansin. Oh, ‘di ba, instant topic na mapag-uusapan? He-he-he!

Mga bro at sis, dehins n‘yo na kailangang mag-alala kung natatakot kayong makisa­ma sa iba dahil sa tips na ito.

Make sure na iba­bahagi n’yo rin ito sa iba, ha? Good luck sa pakikisama, mga ka-BULGAR!