Be updated, keep your gadgets charged, extra clothes means extra care etc... PAGHAHANDA PARA SA NALA
ANG weather ngayon ay parang ‘yung ex mo, napakagulo! Hays! Gayunman, dahil dehins natin knows kung kailan bubuhos ang ulan ngayong unti-unti na siyang nagpaparamdam, narito ang ilang paghahanda para makaiwas sa ka-hassle-an:
1. AVOID RUSH HOUR. Knows natin na tuwing umuulan ay mas lalong bumabagal ang daloy ng trapiko, kaya kung ayaw ninyong maipit, make sure na iiwas kayo sa rush hour at matututo kayong mag-adjust o mag-isip ng ibang paraan na makapagpapagaan sa inyong buhay.
2. BE UPDATED. Of course, kailangan updated din kayo kung may bagyo na ba o kaya ay kung saan ang mga lugar na may baha nang sa gayun ay maiwasan ninyo ang pagdaan dito.
3. DON’T FORGET YOUR RAIN GEAR. Siguro, panahon na para ihanda ang inyong mga payong, kapote, bota at iba pa na epektibong panlaban sa bagyo o malakas na ulan. Okie?
4. EXTRA CLOTHES MEANS EXTRA CARE. Kung noon, eh, may extra kayong damit para sa pawis, ngayon naman ay para sa damit ninyong mababasa sa lakas ng ulan. Nababagay ito para sa mga estudyante at empleyado na medyo mahaba ang lalakbayin bago makapunta sa destinasyon. Mas okay ng handa kaysa maging basang-sisiw. He-he-he!
5. KEEP YOUR GADGETS CHARGED. Kapag may bagyo o ulan, asahan na ninyo na magloloko ang kuryente, kaya, make sure na makapagtsa-charge kayo, especially sa mga walang powerbank.
Dahil napakagulo ng weather, mas mainam kung ngayon pa lang, eh, nagiging handa na tayo. Sundin lamang ang mga tip na ito nang sa gayun ay maging prepared kayo kahit papaano.
Copy?
Comments