Shoutout sa mga magulang na dehins gets ang anak… DAHILAN KUNG BAKIT NAHIHILIG MAGLARO NG MOBILE GAM

LUKSONG tinik, luk­song baka, palose­bo, pitik-bulag, pa­tintero, piko, tum­bang-preso, bagsak at agawan base. Mga laro noon na tila pinag-isa ng mga nakaa-addict na mobile games ngayon na kahit sino at kahit saan ay puwede nang makapaglaro. Iba-iba mang uri ng laro, iisa lang ang layunin ng bawat player, ang makabuo at makapagpalago ng mga armas o skill para matalo ang iba pang player. Bakit nga ba nahihilig mag­laro ng mobile games ang mga kabataan?

Ayon kay Dr. Ca­mille Garcia, isang Psychologist, nahihilig maglaro ang mga kaba­taan ng mobile games dahil one-click-away lang ito ay may bago na silang kaibi­gan. Sa ganitong pag­kakataon, nakararam­dam sila ng “feeling of appreciation.” Sa es­kuwe­lahan, napakata­gal bago ka makaha­nap ng kaibigan, kung minsan ay mabu-bully ka pa sa klase. Ang mga kabataang naka­tatanggap ng social pressure ay na­ka­raramdaman ng sense of belonging­ness sa paglalaro. Iba rin ang epektong na­ga­gawa ng mga “achievement” na natatanggap nila tuwing nananalo. Nakapagbibigay ito sa kanila ng sense of fulfillment kung saan pakiramdam nila ay magaling sila.

Ayon sa ilang kabataan, ang mobile games ay masayang pang-bonding ng pamilya at magkaka­ibigan. Gayundin, iti­nuturing nilang eher­sisyo ang paglalaro dahil nakapagpapabi­lis ito ng reflexes at nakatutulong para maging mahusay sila sa problem solving dahil sa pag-iisip, pagpaplano at pag­gawa ng strategy para matalo ang kalaban. Sa pamamagitan ng paglalaro ng mobile games, nakararam­dam sila na mayroon silang na-accomplish sa tuwing nananalo sila.

Ngunit, sa kabila ng milyun-milyong Pilipinong naglalaro ng mobile games na mayroong iba’t ibang kadahilanan, mayroon din namang tutol sa mga larong ito.

May mga kabata­ang tutol sa larong ito dahil sa kanilang karanasan. Ayon sa kanila, ninanakaw ng mobile games ang panahon nila kung saan hindi na nila namamalayang matagal na silang nakatutok sa screen dahil sa pagkali­bang.

Dagdag pa ni Dr. Camille, ang pag­lalaro ng mobile games ay hindi ma­sama unless pu­masok na ang addiction na maaaring maka­pag­dulot ng pagbabago sa ugali ng tao dahil nawa­walan na siya ng self- control at naka­lilimutan na niya ang kanyang responsibili­dad sa buhay.

Ito rin ay nakaa­apekto sa kalusugan ng mga kabataan at ang pagtutok sa cell­phone ay nakasisira ng mga mata, lalo na kung wala itong pro­teksiyon. Nakasisira rin ito sa pag-aaral dahil kadalasan ay napupunta nang lahat sa paglalaro ang oras ng mga kabataan na resulta ng pagbagsak nila sa kanilang pagsusulit.

Hindi bawal ang maglaro o magli­bang, ngunit, dapat lang na ilagay natin sa tamang lugar at tamang pana­hon. ‘Ika nga, may ta­mang panahon para sa lahat ng mga bagay. Hindi mo na maibabalik ang naka­lipas at ang mga oras na nasayang. Sa halip na iisipin kung paano ka mananalo sa mobile games, mas magandang pagtu­unan ng pansin kung paano mo maaabot ang iyong mga pa­ngarap, para sa totoong buhay, panalo ka!

Okidoki?