Matagal na raw alam… DIREK JERROLD, NAGSALITA NA SA PAG-ATRAS NI LIZA SA DARNA
IKINAGULAT din ng dating direktor ng Darna na si Erik Matti ang pag-atras ng bida sa naturang proyekto na si Liza Soberano. Ipinahayag ito ng direktor sa kanyang Instagram and Facebook account last Friday, isang araw matapos ang announcement ng aktres sa TV Patrol ng kanyang withdrawal.
“Surprised to hear about @lizasoberano letting go of #Darna You would have been great for the part. I wish you all the best. Definitely, there’s life after Darna. Take care always, Hope. Don’t cry no more,” ang caption ni Direk Erik sa larawan nila ni Liza.
Tulad ni Liza, naging kontrobersiyal din ang pagri-resign ni Direk Erik sa Darna project noong October of last year due to “creative differences.”
Si Direk Jerrold Tarog ang pumalit sa kanya na nagbigay din ng kanyang reaksiyon sa pagbibitiw ni Liza.
Sa Twitter ay may nag-comment na baka ang susunod nang mag-resign ay si Direk Jerrold at sinagot ito ng direktor.
“Hindi naman. Busy pa din kami. They informed me about Liza’s decision weeks ago. I was quite sad about it, but her health is more important. Abangan n’yo na lang kung sino ang bagong #Darna,” ang sagot ni Direk Jerrold.
Comments