Bukod sa pag-iwas sa mga toxic, besh! TIPS PARA MAKONTROL ANG TEMPER, ALAMIN!

NAGKALAT na ang toxic sa paligid — sa pampublikong sasakyan at lansa­ngan, workplace, so­cial media at ma­ra­mi pang iba. Sabi nga, “ang pikon ay palaging talo”, kaya kung hindi natin kayang makontrol ang pagsabog ng ating emosyon, naku, tayo lang ang mai-stress. Kaya ba­go pa maging ka­sing init ng “summer season” ang ating ulo, eh, narito ang ilang tips para ma­tutunan nating ma­kontrol ang ating temper:

1. THINK BEFORE YOU SPEAK. Sa ma­init na sitwasyon, ang pag-iisip bago magsalita ang isa sa pinakaepektibong pa­raan para wala tayong pag­si­sihan sa huli. Makabu­buti kung bibigyan natin ang ating sarili ng kaunting pa­nahon para mapag-isipan ang mga salita na ating iba­bato sa ating ka­diskurso. Gets mo?

2. ONCE YOU’RE CALM, EXPRESS YOUR ANGER. Hangga’t kaya nating makapag-isip ng ma­linaw, magsalita tayo nang ma­hinahon o hindi pa­galit, kumbaga, sasagot tayo o ipaliliwanag natin ang ating side ng malinaw at direkta, pero hindi pabalang o bastos.

3. GET SOME EXER­CISE. Ayon sa ilang pag-a­aral, ang physical activity ay nakatutulong para maba­wa­san ang stress na pangu­na­hing dahilan ng pagiging ma­initin ng ulo ng indibidwal. Kaya tulad ng madalas na ipinapayo sa atin, dapat mag­karoon tayo ng time sa pag-eehersisyo dahil hindi lang nito napalalakas ang ating pisikal na kalusugan kundi maging sa emosyunal na aspeto, ‘ika nga, “galaw-galaw, baka ma-stroke”, he-he-he!

4. TAKE A TIMEOUT. Ang “timeout” ay hindi lang para sa mga batang nagla­laro. Tandaan na kailangan ninuman ng “break” sa pag­kakataon na sobrang stress na tayo. Kapag napansin natin na mabilis na tayong magalit o mairita o ‘yung feeling “highblood” palagi. Naku, dapat humanap na tayo ng pagkakataon para makapag-chill o unwind nang sa gayun ay hindi ma­ipon ang ating sama ng loob at makapag-function ulit tayo ng maaayos sa mga susunod na working days natin, okidoki?

5. IDENTIFY POS­SIBLE SOLUTIONS. Imbes na mag-focus sa da­hilan ng ikinagagalit o iki­naiirita natin, bakit hindi na lang tayo mag-focus sa ba­gay na makapag-aalis ng hassle sa sitwasyon? Halim­bawa, madalas tayong ma-stress sa makalat na bahay o tambak na hugasin, imbes na mainis o pagalitan ang mga taong naiwan sa bahay, eh, bakit hindi na lang tayo ang magligpit? Malay mo tablan sila at next time, eh, magkusa na sila.

6. DON’T HOLD A GRUDGE. Kahit hindi ga­nu’n kadaling gawin ang pag­pa­patawad ang isa sa pinaka-powerful na bagay sa earth. Hayaan natin ang ating sarili na magpatawad kahit hindi pa sila humingi ng “sorry”. Tandaan na huwag nating ha­yaan na tuluyan tayong ma­kain ng galit natin dahil hin­di naman ito nakagagan­da at siyempre, para happy-hap­py lang ang lahat, ganern!

7. USE HUMOR TO RELEASE TENSION. Mas oks siguro kung idara­­an na lang natin sa joke o ngiti ang galit natin. Sa totoo lang, hindi naman ito pama­mamlastik kundi way lang ito para hindi tuluyang mag-init ang usapan. Gayunman, dapat iwasan natin ang pa­giging sarcasm, mahirap na dahil hindi naman lahat ng nakasasalamuha natin ay mayroong malawak at ma­lalim na pang-unawa at baka hindi nila masakyan at mas lalo lang lumala ang sitwas­yon. Okay?

8. KNOW WHEN TO SEEK HELP. Sobrang na­pakahirap matutunan kung paano natin makokontrol ang init ng ating ulo. Humingi tayo ng tulong sa mga eks­perto o sinumang tao na sa palagay natin ay mas nakaki­kilala sa atin. Mabuti ito para mabigyan nila tayo ng nara­rapat na payo nang sa gayun ay maiwasan nating maka­sakit ng ibang tao.

Hindi masama ang ma­galit dahil tao lang tayo na tulad ng “summer season”, hindi natin maiiwasan ang maging mainit sa bawat sit­wasyon. Hangga’t maaari ay chill lang tayo, tandaan natin na ang pagiging kalmado ay susi para hindi mapikon at matalo.

Kaya naman, imbes na sabayan ng init ng ulo ang hot­ness ng pahanon, eh, keep calm and enjoy the sea­son nalang, mga ka-BUL­GAR!