2-YO Maiden Stakes Race ilalarga sa SLLP Carmona

ni Green Lantern - @Renda at Latigo | August 7, 2022

Magtatagisan ng bilis ang anim na batang kabayo sa 2022 PHILRACOM "2-Year-Old Maiden Stakes Race" na ilalarga sa San Lazaro Leisure Park sa Carmona, Cavite, ngayong araw.

Nakatuon ang mga liyamadista kay Secretary Ito'y dahil sa ipinakitang tikas ng pag-aari ni Ronaldo David sa trial run kung saan siya ang nagwagi.

Makakatagisan ng bilis ni Secretary ang limang kabayo sa kasama ang pambato ng SC StockFarm Inc. na sina Noon Charm at Love Radio sa distansiyang 1,400 meter race.

Sasakyan ni star jockey Jeffril Zarate, ang ibang kalahok na makakalaban ni Secretary ay sina Sky Magic, Malibu Bell at Jaguar.

Nakalaan ang P1M guaranteed prize na ikakalat sa unang apat na kabayong tatawid sa meta sa event na pagkilala kay former PHILRACOM Chairman Antonio Lagdameo Sr.

"It is with great honor that we come to recognize former Chairman Lagdameo for his contributions in steering the Philippine horse racing industry during his four year stint at this office. The industry as a whole feels happy and proud on his new appointment as permanent representative to the United Nations," saad ng kasalukuyang PHILRACOM chairman Reli de Leon.

Hahamigin ng mananalong kabayo ang P600,000, kukubrahin ng pangalawa ang P225,000 habang ibubulsa ng third at fourth placers ang tig-P125,000 at P50,000 ayon sa pagkakasunod.

Samantala, ilalarga rin ngayong araw ang Condition Race (16) na pakakawalan sa pang-11 karera na may habang 1,400 meter.

Patok sa mga karera tipsters si Palibhasa Lalake na sasakyan ni dating Philippine Sportswriters Association, (PSA) Jockey of the Year awardee Jessie Basilio Guce.

Makakalaban ni Palibhasa Lalake sina Pulang Lupa, Greatwall, Kid Baloloy, Shanghai Noon at Golden Sunrise.

Inaasahang masisiyahan ang mga karerista sa kanilang paglilibang dahil may 12 karera ang ikakasa ng Manila Jockey Club Inc. (MJCI).

Mga Pili ni Green Lantern:

Race 1 - Sagitsit (10), The Prize Is Yours (4), Excavator (1)

Race 2 - Achi Holly (7), Macabebe (4), Divine Dancer (2)

Race 3 - Double Rock (9), Fortress (10), Sweet City (12)

Race 4 - Secretary (4), Jaguar (5)

Race 5 - Rodrigo (11), Ava's Tale (8), Aphrodite (7)

Race 6 - Spoiled Brat (11), Pretty Meadow (3), Tokyo Tokyo Rumba (2)

Race 7 - Super Cong (4), Stripe Of Pink (3), American Dream (7)

Race 8 - Sky Scraper/Red Sole (6/6A), Del Monte (8), Arogante (4)

Race 9 - Ninong (9), California King (2), Early Bird/Lucky Noh Noh (5/5A)

Race 10 - Amaretto Sour (1), Meteora (8), Joyful Princess (7)

Race 11 - Palibhasa Lalake (4), Shanghai Noon (5)

Race 12 - Buwayang Bato (4), Hee Nieve Rahh/Yana's Silver (2/2A), Awesome Julianne (1)