2 kabataan, dawit sa pamamaril sa Super Bowl parade

ni Eli San Miguel - Trainee @News | February 17, 2024

WASHINGTON – Inakusahan ang dalawang kabataan kaugnay ng pamamaril sa parada ng Kansas City Chiefs Super Bowl, na nagresulta sa isang pagkamatay at 22 mga sugatan, ayon sa mga opisyal nitong Biyernes.

Hindi kinilala ang pares dahil sa kanilang edad. Sinampahan sila ng mga kasong kaugnay ng mapanganib na paggamit ng baril at pagpalag sa pag-aresto, ayon sa pahayag ng juvenile division ng 16th Circuit Court of Jackson County.

“Additional charges are expected in the future,” dagdag nito.

Inaresto ang dalawang kabataan matapos ang pamamaril sa victory parade ng Kansas City noong Miyerkules, na nakapagdulot ng pagdalo ng halos isang milyong tagahanga.

Ipinabatid ni Kansas City Police Chief Stacey Graves sa mga mamamahayag na bunga ng alitan ang pamamaril, at walang koneksyon sa terorismo o karahasan ng ekstremismo.

Ipinagdiriwang ng Chiefs ang kanilang ikatlong tagumpay sa Super Bowl sa loob ng five seasons, matapos talunin ang San Francisco 49ers sa Las Vegas noong nakaraang Linggo.

Kilala naman ang United States bilang pugad ng 'mass shooting' dahil sa mataas na bilang ng mga baril.