Search
  • BULGAR

2-anyos na lalaki, pinakabatang may COVID, nahawa sa ama

ni Lolet Abania | September 13, 2020




Isang 2-anyos na lalaki ang pinakabatang naitalang nagpositibo sa Coronavirus sa Butuan City. Ayon sa record ng Department of Health (DOH) sa Caraga, mayroong 30 bagong kaso na infected ng virus sa rehiyon at kasama rito na kumpirmadong tinamaan ng COVID-19 ang batang lalaki dahil nahawa sa asymptomatic na tatay na kasalukuyang nasa isang quarantine facility.


Umabot na sa kabuuang bilang na 368 ang may Coronavirus sa Butuan City, kung saan 169 ang nakarekober at 15 ang namatay. Sa Barangay Libertad ang may pinakamaraming kaso na pito na tinamaan ng virus.


Samantala, dahil sa patuloy na pagtaas ng nagkakaroon ng COVID-19 sa Butuan City, inirekomenda ng mga health officials sa lugar ang pagkakaroon ng zonal containment strategy para makatulong na makontrol ang local transmission ng sakit.


Magkasama ang Regional Task Force against Covid-19 One Caraga Shield (RTF-COCs) at si Butuan Mayor Engr. Ronnie Vicente C. Lagnada sa ipapatupad na zonal containment strategy na sinimulan na sa pagkakaroon ng granular lockdown sa mga lugar na may mataas na bilang ng virus. Patuloy din ang isinasagawang testing sa mga residente.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.