13 bata, kumain ng bunga ng tuba-tuba, naospital

ni Mai Ancheta @News | October 28, 2026

Photo: 13 menor-de-edad matapos umanong malason sa kinaing bunga ng tuba-tuba sa Brgy. Topland, Koronadal City - Circulated - Nicka Pama

Naospital ang 13 menor-de-edad matapos umanong malason sa kinaing bunga ng tuba-tuba sa Brgy. Topland, Koronadal City nitong Lunes, Oktubre 26.

Nakaranas ang mga bata ng pagsusuka at pagkahilo matapos kainin ang nasabing bunga kaya dinala sa South Cotabato Provincial Hospital.

Nakatuwaan umano ng 13 bata na kainin ang bunga matapos maengganyo sa magandang kulay nito. 

Nakaligtas naman ang mga biktima sa posibleng mas malalang epekto ng tuba-tuba matapos mabigyan ng lunas ng mga manggagamot.