13 astigin, kakawala sa 3-YO Maiden Race SLLP

ni Green Lantern - @Renda at Latigo | April 30, 2022

Bakbakan ang 13 tigasing kabayo sa magaganap na 3-Year-Old & Above Maiden Race na pakakawalan sa San Lazaro Leisure Park sa Carmona, Cavite ngayong araw.

Markado si Pharaoh's Bell ng mga liyamadista kaya asahang dodominahin nito ang bentahan.

Subalit ayon sa mga dehadista, kahit mahusay na kabayo si Pharaoh's Bell ay pipili sila ng dehado na puwedeng makatalo sa nabanggit na kabayo.

Rerendahan ni class A rider JA Guce si Pharaoh's Bell, may distansiya itong 1,400 meter race na ilalarga sa pangalawang karera.

"Pipili ako ng dehadong puwedeng tumalo kay Pharaoh's Bell, magagaling naman mga kasali kaya puwede siyang masilat," saad ni Victorio Francisco, veteran karerista.

Ang ibang kalahok ay sina Mettle Strength, Victorious Passion, Platinum Bell, Lucky Lea, Staronfortyfive, Thermodynamics, Zeny's Gold, Balot Penoy Balot, Piece Of Cake, Queen Louise, Gee's Favorite at Nards Bentetres. Nakalaan ang added prize na P10,000 sa event na suportado ng Philippine Racing Commission, (PHILRACOM).

Tiyak na aabangan din ng mga karerista si Radio Bell na makikipagtagisan ng bilis sa Condition Race (16) kontra limang tigasing kalahok. Gagabayan ni dating Philippine Sportswriters Association, (PSA) Jockey-of-the-Year awardee Jonathan Hernandez, haharapin ni Radio Bell sina Goldsmith, The Accountant, Money Changer, Dragon Butterfly at Asiong.

Samantala, 8 races ang inihain ng Manila Jockey Club Inc. (MJCI) ngayong araw ng Sabado, suportado ito ng Philippine Racing Commission, (PHILRACOM).

Mga Pili ni Green Lantern:

Race 1. Jungkook (6), Early Bird/Yana's Silver (3/3A), El Mundo (8)

Race 2. Pharaoh's Bell (11), Lucky Lea (4), Piece Of Cake, (9)

Race 3. Play It Safe (7), Step Bell (13), Hang Loose (1)

Race 4. Misha (2), Yani's Pick/Meghan Maxene (1/1A), Innocare (8)

Race 5. Shelltex Gold (6), Our Secret (5), Can You Guib (10)

Race 6. Radio Bell (6), Dragon Butterfly (4)

Race 7. Spunk Attack (1), Money Gain (3), Kipitaki (4)

Race 8. Keynote Speaker/Skyscraper (1/1A), Charm Bell (6), Havana Oohnana (12)