ni Thea Janica Teh | October 13, 2020
Nakapagtala ng 11 bagong kaso ng COVID-19 ang Iligan City ngayong Martes kaya may kabuuan na itong 777.
Ilan sa mga tinamaan ng virus ay mga frontliners at authorized persons outside residence.
Sa ngayon ay nagsasagawa ng contact tracing ang pamahalaang lokal ng Iligan upang maiwasan ang pagkalat ng COVID-19.
Samantala, gumaling naman ang 50 katao sa COVID-19 sa bayan ng Bataan. Kabilang dito ang isang buwang gulang na sanggol, isang taong gulang na lalaki at walong taong gulang na babae.
Nakapagtala rin ngayong araw ng 10 bagong kaso ng COVID-19 sa Bataan at may kabuuan nang 2,538. Ang 2,139 rito ay gumaling na at 47 ang pumanaw.