10-anyos pinakain ng dumi ng kalabaw, pinagamit ng droga

by Jeff Tumbado @News | October 10, 2026

Photo: File

Iniimbestagahan ng Bacolod City Police Office (BCPO) ang ulat na isang 10-anyos na batang lalaki ang umano’y pinakain ng dumi ng kalabaw at pinahithit ng marijuana sa Brgy. Vista Alegre, Bacolod City.

Ayon kay Police Captain Liberty Indiape, hepe ng BCPO-Women and Children Protection Desk, sinikap ng pulisya na makipag-ugnayan sa pamilya ng bata, ngunit hiniling ng mga ito na igalang ang kanilang privacy.

Sa kabila nito, patuloy na inaalam ng mga awtoridad ang pagkakakilanlan ng mga hinihinalang sangkot upang matukoy ang mga posibleng kasong maaaring isampa laban sa kanila.

Nakikipag-ugnayan na rin ang pulisya sa social worker ng barangay bilang bahagi ng imbestigasyon at pagtugon sa insidente.

Sa kabila nito, wala pang natatanggap na reklamo o sumbong ang Brgy. Vista Alegre mula sa mga magulang ng bata.