1 week ultimatum — Jonvic... P50M patong sa ulo ni Bato

by Jeff Tumbado @News | October 24, 2026

Photo: Jonvic Remulla at Ronald Bato Dela Rosa - DILG - Senate PH

Binigyan ng Philippine National Police (PNP) si Sen. Ronald "Bato" dela Rosa ng isang linggong ultimatum upang sumuko sa mga awtoridad.

“Sen. Bato dela Rosa has one week to surrender at pinaghahandaan natin 'yan,” saad ni PNP Chief P/Gen. Jose Melencio Nartatez Jr. sa isang press conference ngayong Biyernes, Oct. 23.

Nauna nang sinabi ni Department of the Interior and Local Government (DILG) Sec. Jonvic Remulla na itinuturing umanong armado at mapanganib ang senador.

Magbibigay din ang ahensya ng P50-milyong pabuya para sa ikadarakip ng senador.

"No mercy," iyan naman ang sagot ni Remulla nang tanungin kung ano ang mangyayari kung hindi susuko si Dela Rosa matapos ang isang linggong ultimatum ng PNP.

Naglabas ang International Criminal Court (ICC) ng warrant of arrest laban kay Dela Rosa kaugnay ng kanyang papel bilang hepe ng PNP noong panahon ng kampanya kontra ilegal na droga ng administrasyon ni dating Pangulong Rodrigo Duterte.