VICE, NAG-AUDITION SA PBB, ‘DI NAKAPASA

ni Vinia Vivar - @Frankly Speaking | November 30, 2020

Nag-audition pala si Vice Ganda sa Pinoy Big Brother Celebrity Edition pero hindi siya nakapasa. Siya mismo ang nag-reveal nito sa It’s Showtime kamakailan.

“First Celebrity Edition, wala pang Showtime. After ng normal, ‘yung kina Sam Milby, tapos ‘yung 2nd, Celebrity Edition, nag-audition ako nu’n,” pagtatapat ni Vice.

Pero nalaglag daw siya sa semi-finals.

“Showtime lang talaga tumanggap sa akin,” natatawa niyang sabi.

That time ay stand-up comedian na raw siya at lumalabas-labas na sa serye ng ABS-CBN.

Inilabas na rin daw dati ng ABS-CBN ang audition clips niya kasabay nina Nadine Lustre at Maine Mendoza na hindi rin nakapasa sa PBB.

Pero ani Vice, hindi man siya nakapasok ay thankful pa rin siya sa experience ng kanyang audition, partikular na ang mahabang pila.