ni Angela Fernando - Trainee @News | April 4, 2024
Muling lumobo ang utang ng Pilipinas at umabot na sa P15.18-trilyon nu'ng Pebrero ng taong ito, habang patuloy na naglalabas ang pamahalaan ng seguridad upang masuportahan ang pondo ng estado.
Ayon sa datos na inilabas ng Bureau of the Treasury (BTr), tumaas ng 2.63% mula sa P14.8 trilyon nu'ng katapusan ng Enero ang utang ng bansa.
Sa kabuuang P15.18-trilyong utang, 69.68% ay domestic debt samantalang 30.32% ay foreign debt.
Ang domestic debt ay umabot sa P10.58 trilyon, na tumaas ng 4.08% mula sa nakaraang buwan dahil sa net issuance ng mga government securities.