TV show, kaya 'di natuloy… KRIS, IBINULGAR NA INAYAWAN SIYA NG TV5

ni Beth Gelena - @Bulgary Files | September 13, 2020

Sa comment section ng socmed account ni Kris Aquino ay may nagtanong hinggil sa hindi pagkakatuloy ng pag-ere ng programa ng Queen of All Media sa TV5.

Ani ng netizen, "Sabi po, kayo ang may problema, not TV5?"

Reply ni Tetay, "Yes the problem was me — hindi nila ako bet."

May nagsasabing mag-online show na lang daw si Kris tulad ng ginagawa ni Vice Ganda.

"Hindi siya pang-tv5. Pang-anc ang beauty ni Tetay," sey naman ng isang netizen.

Mukhang hater naman ng TV host ang commenter na nagsabing, "Oh, ano, kayo ngayon mga tards ni Tetay na nagyayabang dito? Idol n'yo na nagsabi hindi siya bet ng TV5. Nagyabang kasi agad kayo."

"Nagpa-pictorial na, studio tour and PR, tapos 'di pala siya bet? Ano kaya talaga ang issue? Anyway, sure ako, ikukuwento rin 'yan ni Kris soon, 'di siya makakatiis."

"Imagine mo, tatlong networks, ayaw na siyang kunin. Reality check na lang talaga, Miss Kris, sa next career move mo. Buti nakaipon ka."

"So sad Kris was blackballed politically or by association. I guess it's time to retire from tv format."

Ang mga fans ni Kris, hindi raw magsasawang maghintay sa kanyang pagbabalik-TV at isa kami ru'n.