Tserman, dedbol sa treasure hunting

ni Mai Ancheta @News | October 30, 2026

Photo: K5 Cauayan - Circulated

Kamatayan ang sinapit ng isang barangay chairman matapos maubusan umano ng hangin habang nasa loob ng isang tunnel o hukay sa Brgy. Dungan, Sta. Teresita, Cagayan.

Kinilala ang nasawing biktima na si  Fernando Tibuc, kapitan  ng Brgy. Villa ng nabanggit na bayan.

Nakaligtas naman ang dalawang kasamahan ng chairman na kinilalang sina Dionisio Tibuc, ama ng chairman, at isang alyas Pelaez na nagpapagaling sa ospital.

May hinala ang mga awtoridad na na-suffocate o kaya ay nalason ang mga biktima sa malalim na hukay kung saan sila umano ay nagsasagawa ng treasure hunting.

Sa tulong ng rescue teams mula sa Philippine National Police, Bureau of Fire Protection, Maritime Battalion at iba pa ay naiahon ang mga biktima mula sa malalim na hukay.