Trolley sapul sa tren, 67-anyos tigok

ni Mervin Reyes @News | August 15, 2026

Photo: FIle

Nasawi ang isang 67-anyos na babae matapos mabangga ng tren ng Philippine National Railways (PNR) ang trolley na kanyang sinasakyan sa Pagbilao, Quezon.

Batay sa imbestigasyon, nasa kurbadang bahagi ng riles ang trolley nang mangyari ang insidente habang patungong Lucena City ang PNR train.

Dead-on-arrival sa ospital ang biktima, habang nakaligtas naman ang operator ng trolley.

Ayon sa pulisya, posibleng hindi nakita o narinig ng biktima at operator ang paparating na tren dahil sa kapal ng mga puno sa gilid ng riles.

Nangako ang pamunuan ng PNR na magbibigay ng tulong sa pamilya ng nasawing biktima.