top of page
Search

Tolentino at Hoffman sinira ang dating record

BULGAR

ni Clyde Mariano @Sports | May 10 2024



Winasak ni John Cabang Tolentino ang kanyang lumang record sa 110-m hurdles at ni Filipino-American Lauren Hoffman sa 100m hurdles at tulad ng inaasahan muling namayani sa unang araw ng 5-day foreign flavored ICTSI Phl National Open Athletics sa Philsports track and field oval na nilahukan ng limang Filo-Am athletes.


Nagtala ang 22-anyos na isinilang sa Spain ng 13.37 seconds at binura ang dating 13.53 seconds. “My goal is to win my event. I’m happy I made it in record time,” masayang sinabi ni Tolentino.


Tinakbo naman ni Hoffman ang 100m hurdles sa bagong record na 13.34 seconds at binura ang dating marka na 13.41. Nanalo rin si Filipino-Moroccan Yacine Guermali sa 5000 meters sa oras na 14:18.83 seconds, tinalo ang beterano at last year winner Sonny Wagdos sa 14.54.95 at Noil Torre para sa tanso 15:05.00.


Pero nabigo si Guermali na tapatan ang personal best at national record kung saan nanalo si Paris-bound Ernest John Obiena tanso sa World Athletics.


Wagi rin si SEAG veteran Daniella Daynata sa women discuss sa layo 43.10 meters at si Heart Duarte sa women shotput sa 11.68 meters. Pumangalawa si Yden Faith Candelario sa 11.36m at pumangatlo ang Bicolana na si Jewel Courtny Trangia sa 10.93 meters. “The five days athletics competition is part of the preparation of the five Olympic aspirants,” sabi ni PATAFA president


Ang limang foreign heritage eyeing for Olympic slots ay sina Eric Shawn Cray, Kristina Marie Knott, Robyn Brown, Lauren Hoffman, John Cabang Tolentino at Janry Ubas.


May 1,250 kasama ang 100 foreign participants ang lumahok sa limang araw na athletics competition na inorganisa ng PATAFA kaakibat ang Pasig City, Milo, SIP, Cel Logistics, United Auctioneers at suportado ng Philippine Sports Commission at Philippine Olympic Committee.

0 comments

Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page