Tinuruan ng ina... Robin, 10-anyos pa, sanay na sa baril

ni Mylene Alfonso @News | July 4, 2026

Photo: Robin Padilla / FB

Binalikan ni Senador Robinhood Padilla ang kanyang karanasan noong bata pa siya sa Baguio, kung saan maaga siyang naturuan ng kanyang ina na maglinis, mag-load, at mag-unload ng shotgun upang maiwasan ang aksidente.

Sa isang Facebook post, sinabi ni Padilla na sinanay silang magkakapatid na maging pamilyar sa baril dahil noo'y dumarami ang insidente ng akyat-bahay sa kanilang lugar.

Ibinahagi rin ng senador na naging biktima siya ng gang, fraternity, tribal issues, at bullying noong kabataan niya, ngunit iginiit niyang hindi niya kailanman naisip na gamitin ang shotgun ng kanyang ina laban sa mga nambu-bully o mga kaklase.

Ayon kay Padilla, nauwi lamang noon sa suntukan o rambol ang mga away, kahit aniya ay umaabot minsan sa serious physical injuries kapag may naiiwan o nako-corner sa gulo.