Tig-P5 M sa Marikina at Montalban…

WILLIE, IBINENTA ANG KOTSE NANG P7 MILYON PARA I-DONATE SA MGA BINAHA

ni Nitz Miralles - @Bida | November 15, 2020

Tigpa-P5 million ang donation ni Willie Revillame sa Marikina at Montalban dahil ang dalawang lugar ang mas naapektuhan ng Bagyong Ulysses.

Para maka-generate ng mabilisang cash, ibinenta ni Willie ang kanyang Range Rover for P7 M at dinagdagan na lang niya ng P3 M para umabot ng P10 M at hati nga ang Marikina at Montalban.

Sabi nito, “Aanhin ko ho ‘yung kotse kung marami akong kababayan na naghihirap? Kahit magbenta pa ako ng kahit anong pag-aari, pag-aari mo na hindi mo na kailangan. I think this is the right time.”

Nauna nang nagbigay ng P5M si Willie sa Catanduanes at kung naalala n’yo, nagbigay din siya ng P5 M sa mga jeepney drivers na naapektuhan ng Covid-19. Maliban sa P5 M na kanyang ibinigay, marami pa siyang natulungan na aabot na rin sa milyones.