top of page
WINNER - MICHELLE, ATRAS NA SA PAG-JOIN SA MISS GRAND INTERNATIONAL ALL STARS 2026_IG _mic

Team Bagsik naka-9 ginto sa IFMA Youth World C'ships

Writer: BULGAR
BULGAR
9 hours ago
1 min read

by Gerard Arce @Sports News | November 22, 2026



May 17 medalya kabilang ang 9 na ginto ang Team Bagsik junior squad sa 2026 IFMA Youth World Championships sa Olympia, Greece. 

Photo: May 17 medalya kabilang ang 9 na ginto ang Team Bagsik junior squad sa 2026 IFMA Youth World Championships sa Olympia, Greece. (mappix)



Bumulsa ng kabuuang 17 medalya kabilang ang 9 na ginto ang Team Bagsik junior squad sa nagdaang 2026 IFMA Youth World Championships na ginanap sa Olympia, Greece.


Pinagbidahan ng mga kabataang Muay Thai artist na sina Athaliah Sarmiento at Risha Althea Amoguis ang Pilipinas sa pagbulsa ng tig-2 gintong medalya sa torneong suportado ng Philippine Sports Commission, Philippine Olympic Committee at Muay Association of the Philippines.


Napagwagian ni Sarmiento ang girls’ U16 Wai Kru, habang katuwang nito sa ikalawang kampeonato si Sophia Mae Antipuesto para sa U16 Mai Muay title. Pinamunuan ni Amoguis ang girls’ U18 Wai Kru, habang nakipagsanib-puwersa kay Antonia Elizabeth Lantaya para makamit ang U18 Mai Muay gold.


Nagbulsa rin ng korona sina Juan Miguel Delarmino, Royeth Rosa-Nathan Ivan Buenconsejo at Salko Osmundo Velic-Martin James Fernando sa Wai Kru at Mai Muay.

Bumira rin sa magkahiwalay na combat titles sina Romelyn Nacional at Atasha Althea Amoguis sa pagkubra ng titulo sa girls’ U14 32kg at girls’ U16 45kg divisions, ayon sa pagkakasunod.


Nag-ambag din ng 5 pilak at 3 tanso sina Shaun Azlan Gangoso (U14 Male Wai Kru), Rosa (U18 Male Wai Kru), Kale Tan (U18 Muaythai -45kg), Lyre Anie Ngina (U18 Female -48kg) at Dick Jr. Saking (U18 Muaythai -48kg).


Sa 54 na delegasyong lumahok, nakuha ng Team Bagsik ang ika-7 puwesto overall na ginanap noong Nob. 6-16, sa likod ng overall titlist na Russia, Belarus, Kazakhstan, Iraq, Thailand at Malaysia.


Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page