Tatay, nahulog sa abot-dibdib na baha, patay

by BRT @News | August 20, 2026

Courtesy Brgy. 32, Caloocan / Circulated

Isang ama ang sinasabing inatake sa puso at nahulog pa sa abot-dibdib na baha sa Caloocan City. 

Mapanonood ang video ng mga residente na isinakay sa upuan ang lalaki para sagipin matapos na natagpuan nilang nakalubog sa baha at walang malay.

10 lalaki ang nagtulung-tulong ngunit pahirapan ang rescue dahil sumasalubong sa rumaragasang baha ang direksyon nila palabas.

Inilipat ang biktima sa rescue boat ng Brgy. 32, Caloocan at kalahating oras pa ang inabot bago makarating sa ospital, ngunit hindi na siya umabot nang buhay.

Ayon sa kaanak ng biktima, nag-panic sa baha ang kanilang ama, inatake sa puso at natumba sa hanggang dibdib na baha.

“Nerbiyoso po si Papa. So, siguro kahit naman po heart attack ‘yun, siguro po mas nabigyan ng chance 'yung father ko kung walang baha po noong time na ‘yun kasi mas magiging accessible po 'yung daan nang mas mabilis papunta sa ospital po,” ayon kay Gian Carlo, anak ng biktima.

Lumabas umano ng bahay ang ama para patayin ang circuit breaker.