Tanod, isinuksok sa baywang ang baril, pumutok, utas
- BULGAR
- Aug 8
- 1 min read
ni Jeff Tumbado @News | August 8, 2026
Photo: FB / Circulated
Todas ang 59-anyos na tanod matapos umanong pumutok ang kanyang baril habang nakikipag-inuman sa kanyang pamangkin sa Brgy. Libertad, Dimataling, Zamboanga del Sur, nitong Huwebes.
Ayon kay Police Capt. Derf Jay Maquinta, alas-8:20 ng gabi, nagpaputok muna umano ng isang beses sa ere ang biktima bago isinuksok ang kalibre .45 na pistola sa kanyang baywang.
Habang inaayos umano niya ang pagkakalagay ng baril, bigla itong pumutok at tinamaan siya sa kaliwang hita.
Isinugod sa isang klinika ang tanod ngunit idineklara siyang dead-on-arrival.
Comments