Tanggap naman ng mga fans… KATHRYN, NAPAMURA SA BILIB SA CONTESTANT NG PGT

ni Ambet Nabus @Let's See | Apr. 29, 2025

Photo: Kathryn Bernardo - PGT, YT

“She’s just a natural, a real person,” reaksiyon naman ng mga supporters ng Pilipinas Got Talent (PGT) tungkol kay Kathryn Bernardo.

Nagkaroon kasi ng moment si Kath na ‘napamura’ on mic habang nagbibigay ng komento sa isang contestant na hinangaan niya.

Siyempre, bawal ‘yung ipakita sa TV kaya na-bleep ito nu’ng finally ay ipinalabas na.

May mga bashing din namang natanggap si Kath, lalo’t ikinumpara kay Donny Pangilinan ang way ng pag-handle niya sa ganu’ng sitwasyon.

Bilang smart and intelligent daw si Donny given his educational background and expertise, mas nakita raw tuloy na composed and poised ito sa parehong sitwasyon.

In fact, parang si Donny pa nga raw ang sumalo sa tila naging ‘sabaw’ na reaksiyon ni Kath, lalo’t nabulol o nataranta ito sa tindi ng emosyon sa hinangaang contestant.

But then again, she’s natural. Eh, sa ganu’n talaga si Kath na nagpakatotoo lang sa naramdaman niya kaya siya napamura.

Siguro, magiging English version lang ‘yung kay Donny if ever mangyari rin ‘yun sa aktor. Hahahaha!

---

Jackie, nagsalita na…

KYLINE AT KOBE, BUKING NA NAG-LIVE-IN

NAKAKAGULAT malaman na nagkaroon pala ng live-in set-up ang ngayon ay ex-BF-GF nang sina Kyline Alcantara at Kobe Paras. 

Sa mahabang video message ni Jackie Forster, ina ni Kobe, maraming mga katanungan ang biglang sinagot din ng mga tanong.

At dahil nga sa mayroon nang ‘dati o old’ record kumbaga ng hindi kagandahang pagtrato si Kyline sa mga nakakarelasyon niya (ay, naka-ilan na ba siya?), nasa kanya ang burden of proof para maniwala tayong she knows her truth and her truth is the truth. Eme!

Sa deka-dekadang panahon na nakasama, nakilala at naging malapit kong kaibigan ang mga magulang ni Kobe lalo na si Pareng Benjie Paras, hindi ko na kailangang kuwestiyunin ang paraan ng pagpapalaki nila sa kanilang mga anak.

Pasensiya na, iha, ha, pero kahit ako ay hindi ko matatanggap ang sinasabi ng mga kakampi mo na nakilala lang ng sambayanan si Kobe nang dahil sa iyo?

Do your research po, mga friends, dahil between Kyline and Kobe o kahit sa mga naging ‘ex’ ni Kyline, parang mas hamak namang may pangalan na ang mga boys bago pa man sila na-link kay Kyline.

Sa ngayon kasi ay hindi epektibo ang paraan ng GMA-7 ng pagprotekta sa negatibo at hindi magandang imahe ni Kyline.

Parang hindi bagay sa ganitong iskandalo ang kasabihang, “Silence is the best defense” o “Let it die a natural death.”