Taas-presyo sa gas non-stop, goodbye trapik!

ni Ka Ambo - @Bistado | March 11, 2022

AKTUWAL nang may krisis sa ekonomiya.

Hindi ito kagagawan ng virus, bagkus mismo ng tao.

◘◘◘

PINATUNGAN agad ang presyo ng petrolyo at LPG.

Mga buwitre talaga.

◘◘◘

TULOY ang e-sabong.

Marami pa ang madudukot at maghihiwalay na mag-asawa dahil sa pagkaubos ng suweldo.

◘◘◘

MARAMI na ang naghihintay ng ayuda.

Pantalpak sa sabong?

◘◘◘

LULUWAG na ang trapiko.

Wala kasing pang-gas.

◘◘◘

BAKIT walang nagdedebate tungkol sa krisis?

Walang mahusay na moderator.

◘◘◘

HINDI ba n’yo napapansin na panay “trabaho” ang tema ng political ads?

Nambobola lang ang mga loko.

◘◘◘

DAPAT nang ipagbawal ang pekeng propaganda.

Labag ‘yan sa prinsipyo ng pamamahayag.

◘◘◘

BAKIT kaya mayroon pang motorcade?

Hindi ba puwedeng marathon na lang?

◘◘◘

HINDI maawat ang propagandistang Isko-Sara. ‘Pag nag-backfired ‘yan, baka hindi iboto ng mga maka-Marcos si Inday.

Nangingise lang nang lihim si Tito Sen.

◘◘◘

MAS malaki ang mawawala kay Inday Sara kapag umingay ang Isko-Sara.

Nakakainsulto ‘yan sa “Solid North”.

◘◘◘

AYON sa mga expert, umo-orbit na lang sa “panalo” si Marcos. Kumbaga, batay sa matematika, sure winner na siya.

Pero, si Inday Sara, delikado pa sa nakabuntot na si Tito Sen. Baka ma-bulaga ang Davao.

◘◘◘

BERDE ang “buwenas” ni Tito Sen.

Iyan kasi ang nagpasikat sa Escalera Brothers — GREEN JOKES.

◘◘◘

ANO kaya ang masasabi ni Digong kapag may nag-organize ng MARCOS-SOTTO tandem?

Sige, gumimik pa kayo!

◘◘◘

HINDI lahat ng covert operations ay nagki-click.

Mas marami rito ay nagbo-boomerang.

◘◘◘

DAPAT ay umayos ang mga kandidato.

Iwasan nila ang maging traydor sa mga kagrupo.