Snow, pahiwatig ng kasaganaan at kaligayahan

ni Estrellia de Luna - @Panaginip gabay ng buhay | December 3, 2022

Analisahin natin ang panaginip na pinadala ni Marissa ng Capiz.

Dear Maestra,

Napanaginipan ko na umulan ng snow sa lugar namin. Malapit sa tuktok ng bundok ang bahay namin. Parami nang parami ang patak ng snow hanggang naging snow storm na ito.

Ano ang ibig sabihin ng panaginip ko?

Naghihintay,

Marissa

Sa iyo, Marissa,

Ang ibig sabihin ng panaginip mo na umulan ng snow sa lugar n’yo ay prosperity and happiness, kung saan sasagana ang buhay mo at liligaya ka na.

Samantala, ang parami nang parami ang patak ng snow hanggang naging snow storm ay nagpapahiwatig na may mga sagabal sa binabalak mo, pero malalagpasan mo ito at magtatagumpay ka sa huli.

Matapat na sumasaiyo,

Maestra Estrellia de Luna