Kahulugan ng nag-camping at umulan

ni Estrellia de Luna - @Panaginip gabay ng buhay | August 18, 2022

Analisahin natin ang panaginip na ipinadala ni Frederick ng Nueva Ecija.

Dear Maestra,

Napanaginipan ko na nag-camping kami ng barkada ko at nasiyahan ako. Kaya lang, biglang umulan, kaya bigla rin akong na-badtrip.

Ano ang ibig sabihin ng panaginip ko?

Naghihintay,

Frederick

Sa iyo, Frederick,

Ang ibig sabihin ng panaginip mo na nag-camping kayo ng barkada mo at nasiyahan ka, kabaligtaran ang ipinahihiwatig nito dahil mabibigo ka sa pag-ibig.

Samantala, ‘yung biglang umulan kaya na-badtrip ka, kaligayahan naman sa buhay may asawa ang ipinahihiwatig nito. Matatagpuan mo ang babaeng nakalaan sa iyo, pakakasalan mo siya at liligaya kayo habambuhay.

Matapat na sumasaiyo,

Maestra Estrellia de Luna

Kinalabasan ng hula, mangyayari sa totoong buhay

ni Estrellia de Luna - @Panaginip gabay ng buhay | August 17, 2022

Analisahin natin ang panaginip na ipinadala ni Romnick ng Cubao.

Dear Maestra,

Napanaginipan ko na may hawak akong baraha at nagso-solitaire ako, tapos naisipan kong hulaan ang sarili ko. Tiningnan ko ang magaganap sa akin sa present and future.

Ano ang ibig ipahiwatig ng panaginip ko?

Naghihintay,

Romnick

Sa iyo, Romnick,

Ang ibig ipahiwatig ng panaginip mo na may hawak kang baraha at naglalaro ng solitaire, senyales ‘yan na mabibiyudo ka sa huling bahagi ng buhay mo hanggang sa tuluyan ka nang bawian ng buhay.

Samantala, ‘yun namang hinulaan mo ang present at future mo, ito ay nagpapahiwatig na bigyang-pansin mo ang kinalabasan ng iyong hula dahil posibleng magkatotoo ang nabasa mo sa baraha. ‘Yun mismo ang magaganap.

Matapat na sumasaiyo,

Maestra Estrellia de Luna

Kahulugan ng pumunta sa gubat at pinana ang ibon

ni Estrellia de Luna - @Panaginip gabay ng buhay | August 16, 2022

Analisahin natin ang panaginip na ipinadala ni Deogracias ng Tarlac.

Dear Maestra,

Napanaginipan ko na pumunta ako sa gubat, tapos may dala akong pana. May nakita akong ibon, pinana ko ito, pero hindi tinamaan. May dumaan ulit na kawan ng mga ibon, muli kong pinana at may tinamaan akong isang ibon.

Ano ang ibig sabihin ng panaginip ko?

Naghihintay,

Deogracias

Sa iyo, Deogracias,

Ang ibig sabihin ng panaginip mo na hindi mo tinamaan ang ibon na pinana mo ay maraming hadlang sa mga plano mo sa buhay.

Samantala, ang sabi mo ay may dumaan ulit na kawan ng ibon, pinana mo ito at tinamaan mo ang isang ibon. Ito ay nangangahulugan na sa wakas, makakamit mo na rin ang iyong pinakamimithi sa buhay. Gayundin, malalagpasan mo ang mga pagsubok, gaanuman ito kahirap.

Matapat na sumasaiyo,

Maestra Estrellia de Luna