Simula August 15… CBCP, humiling ng pagdarasal ng ‘10 Hail Marys’ para sa nation’s healing

ni Lolet Abania | August 15, 2020

Nanawagan ang Catholic bishops sa lahat na gawing manalangin ng '10 Hail Marys' araw-araw sa mga eskuwelahan, seminaries, mga parishes at komunidad para sa tuluyang kagalingan ng bansa mula sa coronavirus disease o covid-19, ayon sa post ng Catholic Bishops' Conference of the Philippines (CBCP) website.

Isang Pastoral Message para sa covid-19 ang inisyu kahapon, August 14, upang ipaabot sa mga guro, educators, seminary professors at seminarians, maging ang mga Catholic faithful, ang hiling na pagdarasal sa pagsisimula ng klase ngayong taon.

"As a people, we have all suffered a lot from almost five months of lockdowns. Fear of illness and death surround us," pahayag ng mga bishops.

Pinirmahan ang mensaheng ito, ni Lingayen-Dagupan Bishop Socrates Villegas, na siya ring Episcopal Commission on Seminaries chairman, gayundin, ni Episcopal Commission on Catechesis at Catholic Education Chairman ng San Jose de Nueva Ecija Bishop Roberto Mallari.

Magsisimula ang nationwide prayer campaign, kung saan magdarasal ng ‘10 Hail Marys’ araw-araw ng 12 ng tanghali, “wherever you may be” o saang lugar naabutan, ngayong Sabado, August 15, una ang Solemnity of the Assumption at magtatapos sa September 15, ang feast of Our Lady of Sorrows.

Ayon sa mga prelate o monsignor, layon ng sama-samang pananalanging ito na matapos na ang maraming lockdowns at tuluyang pagkakaroon ng kagalingan ng ating bayan.

"We plead with our friends in media to balance their coverage of the COVID-19 crisis," sabi ng mga bishops.

Hiniling din ng CBCP sa lahat ng opisyal ng gobyerno, "to be more open to the new scientific insights and global experiences around COVID-19", gayundin, sa Inter-Agency Task Force "for a more participatory approach that is open to the wisdom and experience of various professionals, scientists and physicians as well as genuine and constructive representatives of business, civil society, and local government units."

"We plead to parents and teachers to attend to the special needs of our children under these extraordinary times. Our children will be children only for a few years. Let us insure their balanced growth and formation of the mind, body and soul," anila pa.