Silver coins, pahiwatig ng mabilis na pagyaman

ni Estrellia de Luna - @Panaginip gabay ng buhay | December 02, 2021

Analisahin natin ang panaginip na ipinadala ni Gina ng Palawan.

Dear Maestra,

Nagpapasalamat ako sa inyo dahil lahat ng isinangguni kong panaginip sa inyo ay nagkatotoo ang inyong interpretasyon. Kaya naman heto ako at muling magpapaanalisa ng panaginip. Napanaginipan ko na andaming coins na puro silver sa harapan ko, tapos ibinigay ko ‘yung iba sa friend ko as a souvenir for his birthday. Ano ang ibig sabihin nito?

Naghihintay,

Gina

Sa iyo, Gina,

Ang ibig sabihin ng silver coins sa panaginip mo ay tagumpay sa negosyo.

Madaragdagan ang kita mo at mabilis ang magiging pagyaman mo.

‘Yun namang ibinigay mo ang ibang coins sa iyong kaibigan bilang souvenir para sa kanyang birthday ay nangangahulugan ng magandang kondisyon sa iyong kapaligiran.

Napapaligiran ka ng mga tapat at mababait na kaibigan at sa pagdaan ng mga araw, mas darami pa ang mga bago mong kakilala na magdudulot sa iyo ng saya at maaasahan mo rin sila sa panahon ng kagipitan.

Matapat na sumasaiyo,

Maestra Estrellia De Luna