Sign na may matatanggap na grasya at pagpapala

ni Estrellia de Luna @Panaginip gabay ng buhay | August 20, 2023

Analisahin natin ang panaginip na ipinadala ni Rolly ng Masbate.

Dear Maestra,

Napanaginipan ko ang aking ama, matagal na siyang yumao. May gusto siyang sabihin sa akin pero hindi ko ito maintindihan. Kinabukasan, ‘yung ina ko naman ‘yung napanaginipan ko, buhay pa siya, at nagkuwentuhan umano kami.

Ano ang ibig sabihin ng panaginip ko?

Naghihintay,

Rolly

Sa iyo, Rolly,

Ang napanaginipan mo ang iyong ama , ay sign na magiging maayos at maganda ang kalagayan mo sa buhay, pero ang sabi mo ay matagal na siyang patay, ito ay babala na madadamay ka sa isang gulo pero tutulungan ka naman ng isa sa malapit mong kamag-anak.

Samantala, ang napanaginipan mo ang ina mo, nagkukuwentuhan kayo, ay senyales na may paparating na grasya at pagpapala. May darating na suwerte sa iyong buhay.

Magugulat ka na lang dahil hindi mo ito inaasahan.

Matapat na sumasaiyo,

Maestra Estrellia de Luna