ni Estrellia de Luna @Panaginip gabay ng buhay | August 11, 2023
Analisahin natin ang panaginip na ipinadala ni Rosy ng Bataan.
Dear Maestra,
Napanaginipan ko na binigyan ako ng manliligaw ko ng perlas na kuwintas, agad ko itong isinuot at may kasama rin itong mamahaling pabango.
Ano ang ibig sabihin ng panaginip ko?
Naghihintay,
Rosy
Sa iyo, Rosy,
Ang ibig sabihin ng panaginip mo na binigyan ka ng perlas na kuwintas, ay kasaganaan,
kayamanan, kaunlaran at karangalan sa buhay dulot ng iyong pagiging masipag, at matiyaga.
Ang isinuot mo agad ang kuwintas, ay senyales na malapit ka nang ikasal sa isang mayaman, mapagmahal at romantikong lalaki.
Samantala, ang niregaluhan ka rin ng pabango, ay nangangahulugang magtatagumpay ka sa lahat ng plano mo sa buhay. Wala kang daranasing hadlang sa pag-abot mo ng iyong mga pangarap.
Matapat na sumasaiyo,
Maestra Estrellia de Luna