Sign na magtatagumpay sa buhay

ni Estrellia de Luna @Panaginip gabay ng buhay | July 27, 2023

Analisahin natin ang panaginip na ipinadala ni Loida ng Sampaloc, Manila.

Dear Maestra,

Magandang buhay sa inyo r’yan sa Bulgar. Isa ako sa marami n’yong tagasubaybay.

Gusto kong malaman ang kahulugan ng panaginip ko.

Napanaginipan ko na nagkayayaan kami ng barkada ko na maglaro ng bowling. Isa-isa kaming naglaro, at pagkatapos kong maglaro nakaramdam ako ng gutom kaya kinain ko ‘yung dala kong tinapay.

Ano ang ibig sabihin ng panaginip ko?

Naghihintay,

Loida

Sa iyo, Loida,

Ang ibig sabihin ng panaginip mo na nagkayayaan kayo ng barkada mo na maglaro ng bowling, ay makakaranas ka ng matinding kahirapan at maaari ring malugi ang negosyo mo sa kasalukuyan. Ito rin ay nangangahulugang, ang mga kaibigan mo ay maaaring madamay sa gulo.

Hindi sila makakaiwas sa kaguluhang magaganap sa inyong lugar.

Samantala, ang nakaramdam ka ng gutom matapos kang maglaro ng bowling kaya kinain mo ‘yung baon mong tinapay, ay nagpapahiwatig na maiiwasan mo ang mga nakakainis na pangyayari sa paligid mo. Bagama’t may sagabal sa iyong plano sa buhay, ito ay malalagpasan at mapagtatagumpayan mo.

Matapat na sumasaiyo,

Maestra Estrellia de Luna