Sign na ‘di na muli pang maghihirap

ni Estrellia de Luna @Panaginip gabay ng buhay | August 17, 2023

Analisahin natin ang panaginip na ipinadala ni Loida ng Bataan.

Dear Maestra,

Nawa'y nasa mabuti kayong kalagayan gayundin ang mga mahal n’yo sa buhay. Gusto kong malaman ang kahulugan ng panaginip ko tungkol sa gift wrap.

Napanaginipan ko na ang bigat ng dala-dala ko at halos ‘di ko na makaya, nakatanggap ako ng mga regalong nakabalot sa malaking gift wrap, at galing umano ito sa best friend ko.

Ano ang ibig sabihin ng mga panaginip ko?

Naghihintay,

Loida

Sa iyo, Loida,

Ang ibig sabihin ng panaginip mo na ang bigat ng dala-dala mo at ‘di mo na kayang dalhin, ay pagkalugi sa negosyo dahil sa iba't ibang kadahilanan. Samantala, ang nakatanggap ka ng regalo mula sa best friend mo na nakabalot sa malaking gift wrap, ay makakatanggap ka ng tawag sa cellphone mo at may ibabalita siya sa iyo na ikalulugod mo. Makikinabang ka sa magandang balita na sasabihin niya sa iyo. Simula na ito ng iyong pagyaman, at hindi ka na muli pang maghihirap.

Matapat na sumasaiyo,

Maestra Estrellia de Luna