Senator-judge, tablado sa Sandiganbayan... Jinggoy, bawal sa impeachment trial ni Sara

ni Jeff Tumbado @News | July 11, 2026

Photo: Circulated

Ibinasura ng Sandiganbayan Fifth Division ang mosyon ni Sen. Jinggoy Estrada na humihiling na pansamantalang makalabas ng kustodiya upang makadalo sa impeachment trial ni Vice President Sara Duterte bilang senator-judge.

Sa resolusyong may petsang Hulyo 9, sinabi ng anti-graft court na walang sapat na batayan upang payagan ang kanyang kahilingan na inihain noong Hunyo 29.

Iginiit ni Estrada na mahalaga ang kanyang presensya dahil kailangan ang boto ng ⅓ o 16 sa 24 senador upang mahatulan ang isang impeachable official.

Gayunman, binigyang-diin ng korte na ang impeachment trial ay nakatakdang isagawa nang tatlong beses kada linggo sa loob ng 92 trial days o halos 31 linggo, kaya hindi ito maituturing na emergency na magbibigay-katwiran sa kanyang pansamantalang paglabas.

Nahaharap si Estrada sa kasong plunder na walang piyansa kaugnay ng umano’y illegal budget insertions at project allocations sa DPWH na nagkakahalaga ng P573 milyon para sa fiscal year 2025.