ni Pablo Hernandez @Prangkahan | April 21, 2024
SABI NI EX-P-DUTERTE, KAPAG NAGING PRESIDENTE SI VP SARA PATUTUTUKAN NIYA ANG LAND REFORM AT DAHIL D’YAN TIYAK SUSUPORTAHAN NG MGA MAGSASAKA ANG SARA FOR PRESIDENT -- Sinabi ni ex-P-Duterte na kapag ang anak niyang si Vice Pres. Sara Duterte-Carpio ay kumandidato sa pagka-presidente at naging pangulo ng bansa ay patututukan daw niya ang land reform para sa mga magsasaka.
Gusto ng mga magsasaka ‘yan, at dahil sa statement na ‘yan ng ex-president ay asahan nang susuportahan ng mga farmer ang Sara Duterte for president sa 2028, abangan!
HINDI DAPAT KINOKONTRA NG PDP-LABAN ANG STATEMENT NG KANILANG CHAIRMAN EMERITUS, SA HALIP SUPORTAHAN NILA -- Inanunsyo ni PDP-Laban President, Palawan Rep. Jose Alvarez na hindi raw suportado ng kanilang partido ang panawagan ni PDP-Laban Chairman Emeritus former Pres. Rodrigo Duterte kay Pres. Bongbong Marcos (PBBM) na sumailalim ito sa drug test.
Bilang respeto sa kanilang chairman emeritus, dapat kung ano ang statement nito ay sinusuportahan ng buong partido, hindi kinokontra pa, period!
SENADONG STAR-STUDDED -- Matapos ianunsyo ni TV host/comedian Willie Revillame noong Jan. 30, 2024 na kakandidato siyang senador sa 2025 midterm election, ay tinanggap na rin ni action star Phillip Salvador ang nominasyon ng PDP-Laban para kumandidato rin na senador, bukod d’yan tila may plano rin si former Manila mayor, actor Isko Moreno na kumandidatong senador, babalik din sa pagka-senador si TV-host comedian, former Senate Pres. Tito Sotto at re-eleksyunista naman sina action stars Sen. Bong Revilla at Sen. Lito Lapid.
At kapag silang lahat ay nanalo, makakasama nila sa Senado sina action star Sen. Robin Padilla at actor Sen. Jinggoy Estrada, at dahil d’yan ay malamang malagay sa Guinness World of Records, na sa lahat ng bansa sa mundo, tanging ang Senate of the Philippines ang star-studded, boom!
PAHIRAP NANG PAHIRAP ANG BUHAY SA ‘PINAS, TALIWAS SA IBINIBIDA NG MALACAÑANG NA UMAASENSO NA -- Matapos ang dalawang sunod na bigtime oil price hike, may nagbabadya na namang dagdag P0.60 sa kada litro sa presyo ng gasolina.
Patunay ‘yan na pahirap nang pahirap ang pamumuhay sa ‘Pinas, taliwas sa ibinibida ng Malacañang na umaasenso na ang bansa, period!