Sen. Risa: Ang daming bahay sa 'Pinas, kay Roque napunta ang pugante
- BULGAR
- Aug 1, 2024
- 1 min read
ni Angela Fernando @News | August 1, 2024
Nagpahayag si Sen. Risa Hontiveros ng kanyang pagtataka na ang Chinese fugitive na sinasabing sangkot sa Philippine Offshore Gaming Operators (POGO) operations sa Bamban, Tarlac ay natagpuan sa isang bahay sa Tuba, Benguet na ayon kay dating presidential spokesperson Harry Roque ay may "interest" siya.
Ito ay sinabi ng mambabatas habang ibinabahagi ang red notice ng International Criminal Police Organization (Interpol) tungkol kay Sun Liming, na tinukoy sa dokumento bilang isang "fugitive wanted for prosecution."
"Hindi lang basta-bastang Chinese ang nagtago sa sinasabing bahay ni Harry Roque. Itong si Sun Liming ay bigating pugante na nasa Red Notice ng Interpol," saad ni Hontiveros.
"Kaya nakapagtataka na sa dami ng bahay sa Pilipinas kay Roque pa talaga napunta ang pugante," pagbibigay-diin pa nito.
Samantala, lumabas sa impormasyon mula sa Presidential Anti-Organized Crime Commission na si Sun Liming ang nagsilbing IT manager ng Lucky South 99, ang POGO firm na sinalakay sa Porac, Pampanga.
Yorumlar