Sec. Duque, si Chinese Pres. Jinping ang “backer” kaya naging...

Chairperson ng WHO-Western Pacific Region?!

ni Pablo Hernandez III - @Prangkahan | October 10, 2020

KUNG HINDI NAGTIWALA KAY CAYETANO, HINDI SANA NADENGGOY SINA P-DUTERTE AT VELASCO—Nang one-on-one na magmakausap daw sila ni P-Duterte sa Malacañang, sabi ni Marinduque Rep. Alan Lord Velasco na kinakitaan niya ng galit ang Pangulo sa hindi pagtupad ni Speaker Alan Cayetano sa usapan nilang ‘term sharing’ sa pagka-speaker ng Kongreso, at ang sabi sa kanya ng pangulo ay nadenggoy sila ni Cayetano.

Kung nadenggoy man sila, kasalanan nina P-Duterte at Velasco ‘yan kasi nagtiwala sila kay Cayetano, eh, napakatuso niyan, period!

◘◘◘

HINDI KAYA SI CHINESE PRES. JINPING ANG NAGREKOMENDA NA GAWING CHAIRPERSON SI DUQUE NG WHO-WESTERN PACIFIC REGION?—Itinalaga ng WHO (World Health Organization) si Health Sec. Francisco Duque bilang chairperson ng WHO-Regional Committee for Western Pacific.

Baka si Chinese Pres. Xi Jinping ang nagrekomenda kay Duque sa posisyon na ‘yan sa WHO kasi ang sabi noon ni Japan Deputy Prime Minister Taro Aso, na palitan na raw ng pangalang Chinese Health Organization ang World Health Organization dahil prinotektahan daw ni WHO head Tedros Gebreyesus ang interes ng China nang hindi agad isinapubliko na may outbreak na ng coronavirus sa bansang ito kaya kumalat sa mundo ang COVID-19, period!

◘◘◘

ANG LUPIT NG MERALCO KASI SA PANAHON NG KRISIS, MAGTATAAS PA NG SINGIL SA KURYENTE—Magtataas ang Meralco ng P0.12 hanggang P8.55 per-kilowatt hour sa singil sa konsumo ng kuryente ngayong Oktubre.

Ganyan kalupit ang Meralco, mantakin ninyo, sa kasagsagan ng krisis dulot ng COVID-19, nagawa pang dagdagan ang problema ng mamamayan, tsk-tsk-tsk!