SB19, NA-EXPOSE SA MAY COVID, NAKA-QUARANTINE

ni Reggee Bonoan - @Sheet Matters | March 11, 2021

Kasalukuyang naka-quarantine ang SB19 boyband dahil na-expose sila sa taong nagpositibo sa Covid-19.

Supposedly, may SB19 What? Music Launch sila nitong Martes (Marso 9) thru virtual launch pero hindi ito natuloy dahil sa nangyari.

Kaya marami ang nalungkot sa postponement ng virtual launch ng bagong video ng SB19 at hindi pa rin nabigo ang kanilang mga tagasuporta dahil talagang abot-langit ang papuri nila sa ganda ng pagkakagawa ng What? video nang i-release ito nitong Martes.

Ayon sa tweet ng @SB19Official, “We regret to announce that the SB19 What? Virtual Music Launch schedules on March 9, 2021 (Tue) 19:30 PHT has been postponed.

“SB19 was recently exposed to someone who tested positive for COVID-19 and they are now in quarantine.

“We apologize for any inconvenience that this may have caused. A new event date will be announced soon.

“SB19's What? Digital Single, Music Video and Merchandise will still be released as scheduled.

“The health and safety of our artist, staff and production team is our priority and we are thankful for your support and understanding.”

Ang nasabing grupo ay binuo ng ShowBT Philippines noong 2016 pero nitong 2019 lang napansin nang husto nu'ng nakapasok sa mainstream ang SB19 dahil pumutok ang ikalawang single nilang Go Up na released noong Hulyo, 2019 at kaliwa’t kanan na ang papuri sa kanila sa social media.

Buwan ng Nobyembre, 2019 din nu'ng makapasok sila sa Billboard Next Big Thing Sound chart at unang Pinoy artist na nakapasok sa Billboard Social 50.

Disyembre, 2019 naman nu'ng ianunsiyo ng Sony Music Philippines na pumirma sa kanila ng kontrata ang SB19.

Anyway, ang SB19 ay binubuo nina Josh, Justin, Ken, Stell at Pablo na dating si Sejun.