Saudi Arabia’s King Salman, nagpaospital

ni Lolet Abania | July 20, 2020

Nagpa-admit si Saudi Arabia’s King Salman sa isang ospital sa Riyadh, para sa medical tests dahil sa inflammation ng kanyang gallbladder, ayon sa pahayag ng kingdom’s Royal Court sa opisyal na Saudi Press Agency.

Sa ipinalabas na statement, isinagawa tests sa 84-anyos na monarch sa King Faisal Specialist Hospital. Wala nang iba pang detalyeng ibinigay tungkol dito.

Bihirang may gamutin mulsa royal family ang naturang ospital, kahit pa ang tinamaan ng coronavirus. Ang pasilidad ay specialized sa transplant surgeries, research at training programs.

Mula pa January 2015, si King Salman ang nananatiling nasa kapangyarihan. Kinokonsidera siyang huling Saudi monarch sa henerasyon ng mga kapatid na naging pinuno matapos mamatay ng kanyang ama at founder ng Saudi Arabia, si King Abdulaziz.

Binabantayan ng mga observers ang kalusugan ni King Salman sanhi ng matinding kapangyarihan na mayroon siya gayundin, ang posisyong taglay na nangungunang bansa dahil sila ang isa sa top producers ng langis sa buong mundo na kanilang pinakamalaking ekonomiya.

Gayunman, inilagay niya ang 34-anyos na anak, si Crown Prince Mohammed bin Salman, na kanyang successor.